އިންޑިއާގެ ޓުޓިކޮރިން އާއި އައްޑޫ ސިޓީ އަދި ގދ، ތިނަދޫ އާއި ދެމެދު ކާގޯ ފެރީގެ ޙިދުމަތް ފަށައިފިއެވެ.
ގައުމީ ޝިޕިންގް ކުންފުނި، މޯލްޑިވްސް ސްޓޭޓް ޝިޕިންގް ކުރި ޓްވީޓެއްގައި ބުނެފައިވަނީ އައްޑޫ އަދި ތިނަދޫއާ އިންޑިއާގެ ޓުޓިކޮރިން އާއި ދެމެދު ސީދާ ދަތުރުތަށް ފެށި ފުރަތަމަ ކާގޯ ބޯޓު ޓުޓިކޮރިން ބަނދަރުން މިހާރު ފުރާފައިވާ ކަމަށެވެ.
އަދި އެކުންފުނި މެދުވެރިކޮށް ކާގޯ ގެނައުމަށް ބުކިން ހެދުމަށްވެސް އެ ކުންފުނިން ވަނީ ހުޅުވާލާފައެވެ. މިދެމެދު ކުރާ ފުރަތަމަ ކާގޯ ދަތުރަށް ފުރާފައިވަނީ އެމްވީ ބޮންތި2 ނަމަކަށް ކިޔާ ބޯޓެކެވެ.
MV BONTHI II departs to Tuticorin on her maiden voyage commencing our new direct service between Tuticorin and Addu/Thinadhoo. For cargo booking please contact our hotline 730 9700 or email: sales@stateshipping.mv. We wish MV BONTHI-II a safe sailing and smooth seas.
— Maldives State Shipping (MSS) (@stateshippingmv) November 24, 2020
މިކަމާއި ގުޅިގެން އިންޑިއާ ހައިކޮމިޝަނުން ބުނެފައި ވަނީ މިއީ ރާއްޖޭގެ ދެކުނާއި އިންޑިއާގެ ދެކުނާއި ގުޅުވާލުން ކަމަށެވެ. އަދި ކޮޗިން އާއި މާލެ އަދި ކުޅުދުއްފުއްޓާ ދެމެދު ކާގޯ ފެރީގެ ޙިދުމަތް ފެށިތާ ދެ މަސް ދުވަހުގެ ތެރޭ އިތުރު ސަރަހައްދަކަށް ކާގޯ ފެރީގެ ޙިދުމަތް ފެށިފައިވާކަން އިންޑިއާއިން ފާހަގަކޮށްފައި ވެއެވެ.
މިދަތުރުތަށް ފެށުމާއި ގުޅިގެން ހިތަދޫ ޕޯޓް ލިމިޓެޑް (އެޗްޕީއެލް) އިން ބުނެފައި ވަނީ މިކަމުގެ ސަބަބުން ދެކުނުގެ ރައްޔިތުންނަށް އަތްފޯރާ އަގުގައި މުދާ ލިބިގެން ދާނެ ކަމެއް ކަމަށާއި މިއީ ހިތަދޫ ޕޯޓު ލިމިޓެޑަށާއި ދެކުނުގެ ވިޔަފާރިތަކަށް ލިބޭ ކުރިއެރުމެއް ކަމަށެވެ.
advertisment