އަންނަ އޭޕްރީލްގައި އޯ ލެވެލް ފަށަނީ

ކެމްބްރިޖް އޯ ލެވެލް އިމްތިހާނު، އަންނަ އޭޕްރީލް މަހު ބާއްވަން ޝެޑިއުލްކޮށްފި އެވެ.

އޭޕްރީލް މަހު އިމްތިހާން ބާއްވަން ހަމަޖައްސާފައިވަނީ ކޮވިޑް 19 ގެ ސަބަބުން އިމްތިހާން ފަސްކޮށްފައި އޮތުމައް ފަހުގައެވެ.

ސްކޫލުތަކަށް ފޮނުވާފައިވާ ޝެޑިއުލްގައިވާ ގޮތުން އެންމެ ފުރަތަމަ އޭޕްރީލް 14، 2021 ގައި އޮންނަނީ އާޓް އަދި ޑިޒައިންގެ ޕޭޕަރެވެ.

އެންމެ ފަހު އިމްތިހާނު އިމްތިހާނުގެ ގޮތުގައި ބަޔޮލަޖީ ޓެސްޓު އޮންނާނީ ޖޫން 11، 2021 ގަ އެވެ.

އޯ ލެވެލް އަދި އެސްއެސްސީ އިމްތިހާނު ފަސްކޮށް  އެޑިއުކޭޝަން މިނިސްޓްރީން ނެރުނު ސާކިއުލާގައި ބުނީ ކޮވިޑުގެ ސަބަބުން ކުރިމަތިވެފައިވާ ހާލަތުގައި ސިލަބަސް ނިންމައި އިމްތިހާނަށް ތައްޔާރުވާން އެކަށީގެންވާ ވަގުތު ލިބޭނެކަމަށް ނުފެންނަ ކަމަށެވެ.

އެހެންވެ ޖީސީއީ އޯލެވެލް، އައިޖީސީއެސްއީ އަދި އެސްއެސްސީ އިމްތިހާނު އެ ދުވަސްވަރު ނުބާއްވަން ހަމަޖެއްސީ ކަމަށް ބުނެފައިވެއެވެ.