ހާލުދެރަވި މަސްވެރިއަކަށް އެމްއެންޑީއެފް އިން އެހީތެރިވަނީ

މަސްވެރިކަން ކުރަން އުޅުނު ދޯންޏެއްގައި ހުރި މީހެއްގެ ހާލު ދެރެވެގެން އެމްއެންޑީއެފްއިން ހަރަކާތްތެރިވާން ފަށައިފިއެވެ.

އެމްއެންޑީއެފް އިން ބުނީ މ.މުލީ 12 ނޯޓިކަލް މޭލު ބޭރުގައި ގެލެކްސީ-2 ދޯނީގައިހުރި 57 އަހަރުގެ ދިވެހި ފަޅުވެރިއަކަށް ކުއްލި ސިއްޚީ މައްސަލައެއް ދިމާވެގެން އަވަސް ފަރުވާއަށް މ. ރީޖަނަލް ހޮސްޕިޓަލަސް ގެންދިއުމަށް އެމްއެންޑީއެފް ސެންޓްރަލް އޭރިޔާ ކޯސްޓްގާޑުގެ ސިފައިން ހަރަކާތްތެރިވަމުންދާ ކަމަށެވެ.

މިހާދިސާގެ ރިޕޯޓް އެމްއެންޑީއެފްއަށް ލިބިފައިވަނީ މިރޭ 7:10 ހާއިރުގައެވެ.

މަސްވެރިއާއަށް އެހީތެރިކަން ފޯރުކޮށް ދިނުމުގެ މަސައްކަތް އެމްއެންޑީއެފްއިން ކުރަމުންދާއިރު، އޭނާއަށް ދިމާވެފައިވަނީ ކޮންކަހަލަ ސިއްޚީ މައްސަލައެއްކަމަށް އަދި ނޭގެއެވެ.