މާފުށިން ޕޮޒިޓިވްވި ހުރިހާ ފަތުރުވެރިން ރަނގަޅުވެއްޖެ

ކ.މާފުށިން ކޮވިޑް-19 އަށް ޕޮޒިޓިވްވި ހުރިހާ ފަތުރުވެރިން ރަނގަޅުވެއްޖެއެވެ.

މާފުށި ސިއްހީ މަރުކަޒުން ބުނީ މާފުށިން ކޮވިޑް-19 އަށް ޕޮސިޓިވްވި ހުރިހާ ފަތުރުވެރިން ބަލިން ރަނގަޅުވުމާއި ގުޅިގެން މިއަދު ވަނީ ދޫކޮށްލާފައި ކަމަށެވެ.

މާފުށިން ކޮވިޑް 19 އަށް ޕޮޒްޓިވްވެފައިވަނީ ޖުމްލަ ފަސް ފަތުރުވެރިންނެވެ.

މާފުށިން 5 ފަތުރުވެރިއަކު ކޯވިޑް-19 އަށް ޕޮޒިޓިވްވެފައިވަނީ މިމަހުގެ 12 ވަނަ ދުވަހުއެވެ.

ފަސް ފަތުރުވެރިއަކު ކޮވިޑަށް ޕޮޒިޓިވްވުމާ ގުޅިގެން އެ ރަށުގައި ބަލި ފެތުރިފައިވޭތޯ ބެލުމަށް ނެގުނު 85 ރެންޑަމް ސާމްޕަލް ވެސް ބައްޔަށް ނެގެޓިވް ވެފައިވާ ކަމަށް ސިއްހީ މަރުކަޒުން ބުނެއެވެ.