ގައުމު ދަރުވާލާފައި ރައީސް އަބްދުﷲ ޔާމީންގެ ބޮލުގައި އިލްޒާމް އަޅުވަން އުޅުނަސް ރައްޔިތުންނަށް އިތުރަށް އޮޅުވައެއް ނުލެވޭނެ ކަމަށް މަޑުއްވަރީ ދާއިރާގެ މެމްބަރު އާދަމް ޝަރީފް ވިދާޅުވެއްޖެއެވެ.
އަންނަ އަހަރަށް ލަފާކޮށް ސަރުކާރުން މަޖިލީހަށް ހުށަހަޅާފައިވާ ބަޖެޓާ ގުޅޭގޮތުން އިއްޔެ ރައީސް އިބްރާހިމް މުހައްމަދު ސޯލިހު ދެއްކެވި ވާހަތަކާ ގުޅިގެން އާދަމް ޝަރީފް ވިދާޅުވީ މިޤައުމުގައި ލެއްވިހާ ސިޔާސީ ލަޑަރުންކަމަށް ވަކާލާތު ކުރައްވާ ބޭފުޅުންނާއި، މަޖިލީހުގެ 65 ގޮޑިއާއިއެކު ޤައުމު ހިންގަން ރައްޔިތުން ހަވާލުކުރެއްވީ ވަރަށް ފޮނި އުންމީދުތަކެއްގައި ކަމަށެވެ.
ނަމަވެސް މިއަދު ފެނިގެން ދަނީ ނާއުންމީދާއި، މާޔޫސްވާފަދަ މަންޒަރު ތަކެއް ކަމަށާއި ރައްޔިތުންނަށް ވެފައިވާ އެއްވެސް ވައުދެއް ނުފުއްދި ރައްޔިތުންގެ ތާއީދު ގެއްލޭ ހިސާބަށް ދިއުމުން މިއަދު އަނެއްކާވެސް ރައީސް ޔާމީންގެ ނަންފުުޅު މިސަރުކާރުން ކުރިއަށް ނެރެފައިވާކަމަށް އާދަމް ޝަރީފް ވިދާޅުވިއެވެ.
Verikamaai hurihaa siyaasee leaders adhi 65 MPs libumun ves, hinguntherikameh, leadership eh @ibusolih ge nethumun vaudhuthah nufudhdhaa, gaumu dharuvaalaafai, RY bolugai ilzaam alhuvan ulhunas, rayyithunnakah ithurah olhuvaeh nuleveyne. Vaavarah olhuvaalevijje. Enough is enough!
— Adam Shareef Umar (@Adamshareefz) November 20, 2020
ހއ. ހޯރަފުށި އެއާޕޯޓު ހުޅުވި ރަސްމިއްޔާތުގައި ވާހަކަފުޅު ދައްކަވަމުން ރައީސް ސޯލިހު އިއްޔެ ވިދާޅުވެފައި ވަނީ ކުރީގެ ސަރުކާރުގައި ވިއްކާފައި އޮތް 85 ރަށް އެބައޮތް ކަމަށާއި އެ ރަށްތަކުން ދައުލަތަށް އެއްވެސް އާމްދަނީއެއް ނުލިބޭ ކަމަށެވެ. ރައީސް ޔާމީންގެ ވެރިކަމުގައި ނުއަގުގައި ރަށްތައް ދޫކޮށްފައިވާ ކަމަށާއި އެކަމުން ލިބުނު ފައިސާ ހިއްޕަވައިގެން ޔާމީން ވަޑައިގެންނެވީ ކަމަށެވެ.