ޖުޑީޝަން ސާވިސް ކޮމިޝަން(ޖޭއެސްސީ) އަކީ މޮޑޭ ފުށްގަނޑަކަށް ވުމުން އެކުރިއަރާ ދަނީ ޑިމޮކްރަސީ އެއްނޫން ކަމަށް މާވަށު ދާއިރާގެ މެމްބަރު އަދި ޕިއެންސީގެ ނައިބް ރައީސް މުހައްމަދު ސައީދު ވިދާޅުވެއްޖެއެވެ.
މަޖިލީހަށް ހުށަހެޅިފައިވާ ބަޖެޓަށް ބަހުސް ކުރައްވަމުން މީދޫ ދާއިރާގެ މެމްބަރު އަހުމަދު ސިޔާމް ވަނީ މަޖިލީހުގެ ރައީސް މުހައްމަދު ނަޝީަށް ވަރަށް ބޮޑަށް ފާޑުވިދާޅުވެފައެވެ. އެގޮތުން ޝިޔާމް ވިދާޅުވީ ރާއްޖޭގައި މިއަދު އަދުލު އިންސާފެއް ނެތް ކަމަށާއި އެގޮތުން ޖޭއެސްސީގައި އިންނަވައިގެން ނަޝީދު ބޭނުންވާ ގޮތަކަށް ކަންކަން ކުރައްވަމުން ގެންދަވާ ކަމަށެވެ.
ޝިޔާމްގެ ވާހަކަތަކާ ގުޅިގެން ސައީދު ކުރެއްވި ޓްވީޓެއްގައި ވިދާޅުވީ ޖުޑީޝަރީއަށް ސަރުކާރުން ފޯރުވާ ނުފޫޒު ވަރަށް ސާފު ކަމަށާއި ޖޭއެސްސީ އަކީ މޮޑޭ ފުށްގަނޑަކަށް ވުމުން އެކުރިއަރާ ދަނީ ޑޮމޮކްރަސީ ކަމަށް ވާކާލާތު ނުކުރެވޭނެ ކަމަށެވެ.
Judiciary ah sarukaarun foaruvaa nufoozu varah rangalhah saafu. JSC akee modey fuggandakah vumun, ekuriaraa dhanee Democracy kamah vakaalaathu nukuravvaa. https://t.co/JBJ05WVK73
— Mohamed Saeed (@em_saeed) November 18, 2020
ޝިޔާމް އިއްޔެ ވިދާޅުވީ އެއްވެސް ގާނޫނަކަށް ބެލުމެއް ނެތި މިއަދު މީހުންގެ އެކައުންޓްތައް ވެސް ފްރީޒު ކުރަމުންދާ ކަމަށާއި މިއީ ވިސްނަންޖެހޭ ކަމެއް ކަމަށެވެ. ސިޔާމް އެ އިޝާރާތް ކުރެއްވީ އޭނާގެ ސަން ޓްރެވަލްސް ކުންފުނީގެ ބޭންކް އެކައުންޓްތައް ފްރީޒްކުރަން ނެރުނު އަމުރަށެވެ.
ސިވިލް ކޯޓުން އެ އަމުރު ނެރުނީ ސަން ޓްރެވަލްސްއާ ދެކޮޅަށް ހިލްޓަން އިންޓަނޭޝަނަލް ކުންފުނިިން ހުށަހަޅާފައިވާ މައްސަލައަކާ ގުޅިގެންނެވެ.
މި ވާހަކަ ސިޔާމް ދައްކަވަން ފެއްޓެވުމުން މަޖިލީހުގެ ރައީސް، ނަޝީދު ވަނީ މަޖިލީހުގައި އަމިއްލަ ވިޔަފާރީގެ ވާހަކަ ނުދެއްކެވޭނެ ކަމަށާއި އެއީ މަޖިލީހުގެ ގަވާއިދު ތަންދޭ ކަމެއް ނޫން ކަމަށް ތަކުރާރުކޮށް ވިދާޅުވެފައެވެ. ނަމަވެސް ސިޔާމް ވަނީ ހުއްޓާނުލައި އެ ވާހަކަ ކުރިއަށްގެންދަވާފައެވެ.
advertisment