ރ.އުނގޫފާރުގައި އިއުލާންކުރި މޮނީޓަރިންގެ ހާލަތު އުވާލައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އުނގޫފާރު މޮނީޓަރިންގެ ހާލަތަށް ގެނެސްފައިވަނީ މި މަހުގެ 26 ވަނަ ދުވަހުއެވެ.
އެ ރަށް މޮނީޓަރިން ހާލަތަށް ގެނައީ އެ ރަށުން ރެންޑަމްކޮށް ނެގި ސާމްޕަލެއް ކޮވިޑް-19 އަށް ޕޮޒިޓިވްވުމާ ގުޅިގެންނެވެ. ނަމަވެސް ދެވަނަ ޓެސްޓެއް ހެދުމުން އެ ސާމްޕަލް ވަނީ ބައްޔަށް ނެގެޓިވް ވެފައެވެ.
އެޗްޕީއޭ އިން މިއަދު ބުނީ އާއްމު ސިއްހަތު ރައްކާތެރިކުރުމުގެ ގާނޫނުގެ 12 ވަނަ މާއްދާގެ ދަށުން ބަލަން ކަނޑައެޅުނު ކަންކަން ބެލުމުން، މޮނީޓަރިންގެ ހާލަތު އިތުރަށް ދަމަހައްޓަންޖެހޭ ސަބަބެއް މިވަގުތު ނެތް ކަމަށެވެ.