ކުޑަކުއްޖަކަށް ޖިންސީ ގޯނާކޮށް ބެހުނު ދޮންބައްޕައެއްގެ މައްޗަށް ކުށް ސާބިތުވާ ކަމަށް ކަނޑައަޅައި އޭނާ 15 އަހަރަށް ޖަލަށް ލުމަށް ހައިކޯޓުން ހުކުމް ކޮށްފިއެވެ.
އެގޮތުން ކުޑަކުއްޖަކާއި ބެހުނު ކުށް ސާބިތުވެ 15 އަހަރަށް ޖަލަށް ލުމަށް ހައިކޯޓުން ހުކުމް ކޮށްފައި ވަނީ ދ.ކުޑަހުވަދޫ، ފައިވްސްޓަރ / އިބްރާހީމް ޝުޖާޢުގެ މައްޗަށެވެ.
ހައިކޯޓުން ކުރި ހުކުމަކީ ދ.ކުޑަހުވަދޫ މެޖިސްޓްރޭޓް ކޯޓުން 2017 ވަނަ އަހަރު ކޮށްފައިވާ ހުކުމް ބާތިލްކޮށް ކޮށްފައިވާ ހުކުމެކެވެ.
އެގޮތުން ހައިކޯޓުން ކުރި ހުކުމުގައި ބުނެފައިވަނީ ދ.ކުޑަހުވަދޫ މެޖިސްޓްރޭޓް ކޯޓުގެ ޙުކުމަކީ ބާޠިލު ޙުކުމެއް ކަމަށް ކަނޑައަޅައި، ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަށް ޢަމަލުކުރުމުގެ ޤާނޫ ނުގެ 9 ވަނަ މާއްދާގެ (ހ) އާ ޙަވާލާދީ، އެމާއްދާގެ (ށ) ގެ ދަށުން ދ.ކުޑަހުވަދޫ، ފައިވްސްޓަރ / އިބްރާހީމް ޝުޖާޢުގެ މައްޗަށް އިތުބާރުކުރެވޭ މަޤާމެއްގައި ހުރެ ކުޑަކުއްޖަކާމެދު ޖިންސީ ޢަމަލެއް ހިންގުމުގެ ކުށުގައި، ޕްރޮސިކިއުޓަޖެނެރަލް ކޮށްފައިވާ ދަޢުވާ، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 51 ވަނަ މާއްދާގެ (އ) ގައި ބަޔާންކުރާ އެކަށީގެންވާ މިންވަރެއްގެ ޝައްކެއްނެތި ޝަރީޢަތަށް ސާބިތުވާކަމަށް ކަނޑައަޅައި، މިކުށުގެ ޢުޤޫބާތެއްގެ ގޮތުން، ކުޑަކުދިންނަށް ޖިންސީ ގޯނާކުރާ މީހުން ނާމެދު ޚާއްޞަ އުޞޫލުތަކަށް ޢަމަލުކުރުމުގެ ޤާނޫނު( ގެ 9 ވަނަ މާއްދާގެ (ށ) ގެ ދަށުން ދ.ކުޑަހުވަދޫ، ފައިވްސްޓަރ / އިބްރާހީމް ޝުޖާޢު 15 އަހަރު ދުވަހުގެ މުއްދަތަށް ޖަލަށް ލުމަށް، ދިވެހިރާއްޖޭގެ ހައިކޯޓުގައި މި މައްސަލަ ބެލި ފަނޑިޔާރުން ގެ މަޖިލީހުގެ އިއްތިފާޤުން ޙުކުމް ކޮށްފި ކަމަށެވެ.