ސާފުކޮށް އިނގޭ މިންވަރަކަށް ކަންކަން ހިނގުމުން ރައްޔިތުންގެ އިތުބާރު ގެއްލޭކަށް ހެކިތަކެއް ބޭނުމެއް ނުވާނެ ކަމަށް އެމްޑީޕީގެ ޕާލަމެންޓްރީ ގްރޫޕްގެ ލީޑަރު އަދި މެދު ހެންވޭރު ދާއިރާގެ މެމްބަރު އަލީ އާޒިމް ވިދާޅުވެއްޖެއެވެ.
ހެލްތު މިނިސްޓަރު އަބްދުﷲ އަމީންގެ މައްޗަށް އިތުބާރު އެބައޮތް ކަމަށް އެމްޑީޕީގެ ޕާލިމަންޓަރީ ގުރޫޕުން ނިންމާފައިވަނިކޮށް އެ ނިންމުމާ ދެކޮޅު ހަދާ އަމީންގެ އިތުބާރު ނެތްކަމުގެ މައްސަލަ ރައްޔިތުންގެ މަޖިލީހަށް މިއަދު ވަނީ ހުށަހަޅާފައެވެ.
އެކަމާ ގުޅިގެން އާޒިމް ވިދާޅުވީ އެ މައްސަލައިގައި ކުށް ސާބިތު ކުރެވޭ ވަރަށް ހެކި ނުހޯދުނީ ތަހުގީގީ އިދާރާއެއްގެ ނާގާބިލުކަމުން ކަމަށެވެ. ނަމަވެސް ސާފުކޮށް އިނގޭ މިންވަރަށް ކަންކަން ހިނގުމުން ރައްޔިތުންގެ އިތުބާރު ގެއްލޭކަށް ހެކިތަކެއް ބޭނުން ނުވާނެ ކަމަށް އާޒިމް ވިދާޅުވިއެވެ.
Thah’geegee idhaaraaeh ge naagaabil kamun kuh saabithu kurevey varah heki nuhoadhunu namaves, saafukoh ingey min varah kan kan hingumun rayyithunge ithubaaru gelleykah hekithakeh beynumeh nuvaane.
— ???????????? ???????????????? (@aliaazim) October 20, 2020
އެމްޑީޕީގެ ގިނަ މެމްބަރުންތަކެއް ވަނީ އަމީންގެ އިތުބާރު ނެތްކަމުގެ މައްސަލަ ހުށައަޅާ ގަރާރުގައި ސޮއިވެސް ކޮށްފައެވެ. އެ މެމްބަރުން އެ މަަސައްކަތް ފަށާފައިވަނީ އެމްޑީޕީގެ ޕީޖީގެ ނިންމުމާ ދެކޮޅަށެވެ.
އިތުބާރު ނެތް ކަމުގެ ގަރާރުގައި ސޮއިކުރެއްވީ 24 މެމްބަރުންނެވެ. އަދި އެ މަސައްކަތުގައި އިސްކޮށް ތިބީ މިއަދު އޮތް ޕީޖީ ބައްދަލްވުމުގައި އަމީން ވަކިކުރަން ޖެހޭ ކަމަށް ވިދާޅުވި މެމްބަރުންނެވެ.
advertisment