ކުޑަކުދިންގެ ހިޔާއިން ދެކުދިން ޕޮޒްޓިވްވެއްޖެ

ވިލިމާލޭ ކުޑަކުދިންގެ ހިޔާ އިން ދެކުދިން ކޮވިޑް-19 އަށް ފޮޒްޓިވްވެއްޖެއެވެ.

ރޭ ނޫސްވެރިންގެ ބައްދަލުވުމެއްގައި ޑރ.ނަޒްލާ ރަފީގު ވިދާޅުވީ ކުޑަކުދިންގެ ހިޔާ އިން ދެކުއްޖަކު ކޮވިޑް-19 އަށް ފޮޒްޓިވްވެގައިވަނީ  ބުރާސްފަތި ދުވަހު ކަމަށެވެ.

މީގެ އިތުރުން ހުޅުމާލޭގައި ކުދިކުދިން ފިޔަވަތިން ކޮވިޑް-19 އަށް ފައްސިވި ކުދިންނާއި މީހުންގެ އަދަދު މިއަދު ވަނީ 23 އަށް އަރާފައެވެ.

އެއީ 11 ކުދިންނާއި ކުޑަކުދިން ބަލަހައްޓާ 11 މުވައްޒަފުންނާއި އެތަނުގެ ސީނިއާ މުވައްޒަފެކެވެ.