މިދިއަ 24 ގަޑިއިރުގެ ތެރޭގައި ވެސް ރާއްޖެއިން 66 މީހަކު ކޮވިޑް-19 އަށް ޕޮޒިޓިވް ވެއްޖެ އެވެ.
އަލަށް ޕޮޒިޓިވްވި މީހުންގެ ތެރޭ 54 ދިވެހިން ހިމެނެ އެވެ. ދެން ހިމެނެނީ 12 ބިދޭސީންނެވެ. މިއަދު ޕޮޒިޓިވްވި މީހުނާއެކު ރާއްޖޭގެ އަދަދު ވަނީ 10,808 އަރާފަ އެވެ. މިއަދު ޓެސްޓް ކުރީ 1،232 ޓެސްޓެވެ.
މިއަދު ކޮވިޑުން ރަނގަޅުވީ 65 މީހުނެވެ. ރާއްޖެއިން ރަނގަޅުވި ޖުމްލަ މީހުންގެ އަދަދަކީ 9،654 އެވެ. މިވަގުތު ރާއްޖޭގައި ކޮވިޑުން ރަނގަޅު ނުވެ ތިބީ 1،113 މީހުންނެވެ. މިވަގުތު ވެސް ހޮސްޕިޓަލްގައި އެޑްމިޓްކޮށް 74 މީހަކަށް ދަނީ ފަރުވާ ދެމުންނެވެ.
ކޮވިޑްގައި 34 މީހަކު ވަނީ މަރުވެފަ އެވެ.