ފްރަންޓްލައިންގައި މަސައްކަތް ކުރާ ބައެއް ފުލުހުން ބޮޑީ ވޮން ކެމެރާ ބޭނުންކުރަން ފަށައިފިއެވެ.
މިކަމާއި ގުޅިގެން ކުރެއްވި ޓްވީޓެއްގައި ކޮމިޝަނަ އޮފް ޕޮލިސް މުހައްމަދު ހަމީދު ވިދާޅުވީ، އަޖުމަ ބެލުމުގެ ގޮތުން ފްރަންޓްލައިންގައި މަސައްކަތް ކުރާ ބައެއް ފުލުހުންގެ ގައިގައި ބޮޑީ ވޮން ކެމެރާ (ބީޑަބްލިއުސީ) ހަރުކޮށްފައިވާ ކަމަށާއި ކެމެރާ ހަރުކުރުމަކީ ފުލުހުންގެ ޚިދުމަތް ރަނގަޅުކޮށް ފުލުހުންނާ މެދު ކުރާ ޝަކުވާތައް މަދުވެ، ފުލުހުންނަށް އާއްމު ކުރާ އިތުބާރު އިތުރުވާނެ ކަމެއް ކަމަށެވެ.
https://twitter.com/M_Hameedh/status/1232567885110755331?
ދިވެހި ފުލުހުން ބޮޑީ ވޮން ކެމެރާ ބޭނުންކުރަން ފަށާފައިވާއިރު، ދުނިޔޭގެ އެހެންބައެއް ގައުމުތަކުގައި ވެސް ފުލުހުން މި ކެމެރާ ބޭނުންކުރެއެވެ.
އެގޮތުން އެމެރިކާ، އޮސްޓްރެލިއާ، ސިންގަފޫރު، ޔޫކޭ އަދި ކެނަޑާ ފަދަ ގައުމުތައް ފާހަގަ ކުރެވެއެވެ.