ސުޕަހީރޯ ފިލްމު “ކެޕްޓަން މާވެލް” ގެ ދެވަނަ ބައެއް ހަދަން ނިންމާފައިވާކަން ޑިޒްނީން އިޢުލާންކޮށްފި އެވެ.
ވެރައިޓީން ބުނިގޮތުގައި، ޑިޒްނީ އާއި މާވެލް ސްޓޫޑިއޯސް ގުޅިގެން ގެނެސްދިންބިލިއަން ޑޮލަރުގެ އާމްދަނީއެއް ހޯދި ފިލްމުގެ ދެވަނަ ބައިގެ ސްކްރީންޕްލޭ ލިޔަން މެގަން މެކްޑޮނެލްއާ މިހާރު އަންނަނީ ވާހަކަ ދައްކަމުންނެވެ.
ބަތަލާ ބްރީ ލާޒަން ޓައިޓްލް ރޯލް ފެނިގެންދާ، ފިލްމުގެ މަސައްކަތް ފަށާނެ އިރަކާއި ސިނަމާތަކަށް ގެންނާނެ ތާރީޚެއް އަދި އިޢުލާނެއް ނުކުރެ އެވެ.
އަނާ ބޯޑެން އާއި ރަޔަން ފްލެކް ޑައިރެކްޓްކުރި “ކެޕްޓަން މާވެލް” އަކީ ބޮކްސް އޮފީހުގައި 1.128 ބިލިއަނޖް ޑޮލަރު ހޯދި ފިލްމެކެވެ. އެ ފިލްމު ހަދާފައި ވަނީ ގާތްގަނޑަކަށް 175 މިލިއަން ޑޮލަރުގެ ބަޖެޓަކުންނެވެ.