ލޯކަލް ކައުންސިލްތައް ބާރުވެރިކުރަން ނިންމި ނިންމުމަކީ ސަރުކާރުން އެރި ރަނގަޅު ފިޔަވަޅެއް ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްެރާހިމް ޝަރީފު ވިދާޅުވެއްޖެއެވެ.
އެބޭފުޅާ ކުރެއްވި ޓުވީޓެއްގައި ވިދާޅުވީ، ދެން ސަރުކާރުން އެންމެ އިސްކަމެއް ދީގެން ކުރަންވީ ކަމަކީ ޕަބްލިކް އެޑްމިނިސްޓްރޭޝަތަކުން ދޭ ހިދުމަތްތައް އިތުރަށް ރަނގަޅުކޮށް، އެ އިދާރާތައް ބާރުވެރިކުރުވުން ކަމަށެވެ.
https://twitter.com/AdduShareef/status/1173645831263514624
މިގައުމަށް، އިގްތިސާދީ ތަރައްގީއާއި، އިންސާފާއި އަދި އިތުރު ވަޒީފާގެ ފުރުސަތުތައްވެސް ބޭނުންވާކަން ފާހަގަކުރައްވައި އެބޭފުޅާ ވިދާޅުވީ، އެ ދާއިރާތަކަށް އިސްލާހީ ބަދަލު ހޯދުމަށް މަސައްކަތް ކުރަންވީ ހަމަނުޖެހުންތައް އުފައްދައި ގައުމު ހަލަބޮލި ނުވާނޭ ފަދަ ގޮތްތަކަކަށެވެ.
އެ އިސްލާހީ ބަދަލުތައް ގައުމަށް ގެނެވޭނީ ގައުމު އަމާންކަންމަތީ އޮވެގެން ކަމަށް މެމްބަރު ޝަރީފް ވިދާޅުވިއެވެ.
https://twitter.com/AdduShareef/status/1173638897055625217