ރިޟްވާންގެ މައްސަލައިގައި އިންސާފު ހޯދަން ދަތިވާ އެއްވެސް ކަމެއް އެއްވެސް ބޭފުޅަކު ނުކުރެއްވުމަށް ރައީސް އިބްރާހިމް މުހައްމަދު ސާލިހް ވިދާޅުވެއްޖެއެވެ.
މިހާރު ކުރިއަށްދާ ނޫސްވެރިންގެ ބައްދަލުވުމުގައި ރައީސް ވިދާޅުވީ ރިޟްވާންގެ މައްސަލައިގައި މުއައްސަސާތަކުގެ އެއްބާރުލުން ލިބޭ ކަމަށެވެ.
ރައީސް ވަނީ މި މައްސަަލައިގައި މިހާތަނަށް ވެސް ކޮމިޝަނުން، ބޭނުންވާ އެއްބާރުލުން މުއައްސަސާތަކުންް ދެމުންދާ ކަމަށާއި، އެ މައްސަލަ ލަސްވާންވީ ސަބަބެއް އޮތް ކަމަށް ޤަބޫލުނުކުރައްވާ ކަމަށް ވިދާޅުވެފައެވެ.
ރިޟްވާންގެ މައްސަލައިގެ ދެވަނަ ޑްރާފްްޓް ލިބުނު އިރު، އެ މައްސަލަ ބެލެން އޮތީ ޤާނޫނީ ގޮތުން ބަދަލުތަކެއް ގެނެސްގެން ކަމަށާއި، އެ މަސައްކަތް ކުރިއަށް ގެންދަވާނެ ކަމަށްވެސް ރައީސް ވިދާޅުވިއެވެ.
ރައީސް ވަނީ މި މައްސަލައާއި ގުޅިގެން ޓެރަރިޒަމް އަކީ ކޮބައިތޯ، ވަރަށް ރަނގަޅަށް ސާފުވާން ޖެހޭ ކަމަށް ވިދާޅުވެފައެވެ.