އިންޑިއާއިން ހަނދުގެ ދެކުނު ތަނޑިއާއި ވީ ހިސާބުގައި ޖައްވީ އުޅަނދެއް ޖައްސާ، އެ ދިރާސާ ކުރާ ފުރަތަމަ ގައުމަށް ވުމުގެ ޝަރަފު ހޯދަން ޖައްވަށް ފޮނުވި “ޗާންދްރަޔާން-2” ފެއިލްވި ނަމަވެސް އެގައުމުން ކުރި މަސަައްކަތަކީ ތާރީޚުގައި ލިޔެވިގެންދާނެ މަސައްކަތެއް ކަމަށް ރައީސުލްޖުމްހުރިއްޔާ އިބްރާހިމް މުހައްމަދު ޞާލިހް ވިދާޅުވެއްޖެއެވެ.
ރައީސް ސޯލިހު ކުރެއްވި ޓުވީޓެެއްގައި ވިދާޅުވީ، އިންޑިއާއިން އެކުރި މަސައްކަތުގެ ނަތީޖާ ކޮންމެ ގޮތަކަށް ނިކުތް ކަމުގައިވިޔަސް، އެގައުމުން ކުރި މަސައްކަތަކީ ތައުރީފާއި ޝުކުރު ހައްގުވާ މަސައްކަތެއް ކަމަށެވެ.
With Chandraayan 2, India has made history. Whatever the final outcome, landing a probe on the moon is no mean feat. I applaud and commend the efforts of PM @narendramodi and ISRO for their hard work to further the cause of human scientific progress.
— Ibrahim Mohamed Solih (@ibusolih) September 7, 2019
ރައީސް ޞާލިހް ވަނީ އިންޑިއާގެ ބޮޑު ވަޒީރު ނަރެންދުރަ މޯދީ އަދި އިންޑިއާގެ ޖައްވީ އިދާރައިން ކުރަމުންގެންދަވާ މަސަައްކަތް ފާހަގަކޮށް ޝުކުރު ދަންނަވާފަ. އިންޑިއާގެ އެމިޝަން ފެއިލްވީ ހަނދުގެ ސަތަހައާއި 2.1 ކިލޯމީޓަރު ކައިރިން ދިވާމި މައްސަލަތަކާއި ގުޅިގެނެވެ.
މިޝަން ފެއިލްވީ އުޅަނދާ ބިމާ ދެމެދު އޮތް ގުޅުން ކެނޑުމާއި ގުޅިގެން. ޗަންދުރާޔަން 2 ޖައްވަށް އުދުއްސާލީ މިދިޔަ ޖުލައި މަހުގެ 22 ވަނަ ދުވަހު. އަދި ހަނދުގެ ދެކުނު ތަނޑިއަށް ފޯރަން އޮތީ ރޭ ދަންވަރު 1:30 އާއި 2:00 އާ ދެމެދުގައެވެ.
ނަމަވެސް އެ މަންްޒިލަށް ވާސިލްވާން ދަނިކޮށް ކުއްލިއަކަށް އުޅަނދާއި ކޮންޓްރޯލްގެ ގުޅުން ކެނޑިގެން ދިޔަ. ގުޅުން ކެނޑުނު އިރު ޗަންދުރާޔަން 2 ހަނދަށް ޖެއްސުމަށް ގިރާ ކުރަން ޖެހޭ ރާސްތާގައި ބާކީ އޮތީ 2.1 ކިލޯ މީޓަރެވެ.
advertisment