އަދުރޭގެ ސުވާލެއް ސަރުކާރަށް: ކޮވިޑް ޖެހެނީ ހަމައެކަނި ރަށްރަށަށް ދަަތުރު ކުރާ އާންމު ރައްޔިތުންގެ ފަރާތުންތޯ؟

ކޮވިޑް-19 ޖެހެނީ ހަމަ އެކަނި ރަށްރަށަށް ދަަތުރު ކުރާ އާންމު ރައްޔިތުންގެ ފަރާތުންތޯ އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ ސުވާލު ކުރައްވައިފިއެވެ.

ކަރަންޓީނަށް ލުއިތަކެއް ދިނުމާމެދު ދެކެވޭ ވާހަކަތަކާ ގުޅިގެން ޑރ. ނަޒްލާ މުސްތަފާ ރޭ ވިދާޅުވީ ރާއްޖޭގައި ފުރަބަންދު ކަރަންޓީނުގެ ގޮތުގައި ކަނޑައަޅާފައިވާ 14 ދުވަހަކީ ބަލި ފެތުރުން ކޮންޓްރޯލްކުރުމަށް ރާއްޖޭގައި ހުރި ވަޞީލަތްތަކާއި ކެޕޭސިޓީއަށް ބަލާނަމަ، ވަރަށް އެކަށީގެންވާ މުއްދަތެއްކަމަށެވެ.

މިކަމާ ގުޅިގެން އަދުރޭ މިއަދު ކުރެއްވި ޓްވީޓެއްގައި ވަނީ ކޮވިޑް-19 ޖެހެނީ ހަމަ އެކަނި ރަށްރަށަށް ދަަތުރު ކުރާ ޢާންމު ރައްޔިތުންގެ ފަރާތުންތޯ ސުވާލު ކޮށްފައެވެ.

“ސަރުކާރުގެ ބޭނުންތަކުގައި ވަޑައިގަންނަވާ ބޭފުޅުންގެ ފަރާތުން ކޮވިޑް-19 ނުޖެހެނީތޯ؟އެޗް.ޕީ.އޭއިން ހުއްދަ ދިނީމަ ކޮވިޑް-19 ކައިރި ނުވަނީތޯ؟އެ ހުއްދަޔާ އެކު ރައްޔިތުންގެ ޙައްގުތަކަށް ވަނީ ކިހިނެއްތޯ؟” އަދުރޭ ސުވާލު ކުރެއްވިއެވެ.

ކޮވިޑް-19 ޖެހެނީ ހަމަ އެކަނި ރަށްރަށަށް ދަަތުރު ކުރާ ޢާންމު ރައްޔިތުންގެ ފަރާތުންތޯ؟ސަރުކާރުގެ ބޭނުންތަކުގައި ވަޑައިގަންނަވާ ބޭފުޅުންގެ ފަރާތުން ކޮވިޑް-19 ނުޖެހެނީތޯ؟އެޗް.ޕީ.އޭއިން ހުއްދަ ދިނީމަ ކޮވިޑް-19 ކައިރި ނުވަނީތޯ؟އެ ހުއްދަޔާ އެކު ރައްޔިތުންގެ ޙައްގުތަކަށް ވަނީ ކިހިނެއްތޯ؟ pic.twitter.com/6lvzAC21U3

— Abdul Raheem Abdulla (@Banafsaa) November 27, 2020

އަތޮޅުތަކުގައި ބަލި ވަރަށް ބޮޑަށް ފެތުރިއްޖެ ހާލަތެއްގައި ފަރުވާ ދެވޭނެ ފެންވަރެއް ސިއްހީ ނިޒާމުތަކުގައި ނެތް ކަމަށްވެސް ޑރ. ނަޒްލާ ވިދާޅުވިއެވެ. އެހެންވެ، އަތޮޅުތެރެ ކޮވިޑްއިން ރައްކާތެރިކުރުން ވަރަށް މުހިންމު ކަމަށް ޑރ.ނަޒްލާ ވަނީ ރޭގެ ޕްރެސްގައި ވިދާޅުވި އެވެ.