ފައިސާ ދީގެން އެސައިންމެންޓް ހަދާ މައްސަލަ ހުއްޓުވަން މަޝްވަރާ ކޮށްފި

އެސައިންމެންޓްތައް ފައިސާ ދީގެން ހައްދާ މައްސަލަ ހުއްޓުވަން ހަޔާ އެޑިއުކޭޝަން މިނިސްޓްރީން ފުލުހުންނާއެކު މަޝްވަރާ ކޮށްފިއެވެ.

ހަޔާ އެޑިއުކޭޝަން މިނިސްޓަރ ޑރ.އިބްރާހިމް ހަސަން މިއަދު ވަނީ އެކަމާއި ގުޅޭގޮތުން މަޝްވަރާ ކުރުމަށް ކޮމިޝަނަރ އޮފް ޕޮލިސް މުހައްމަދު ހަމީދު އާ މަޝްވަރާ ކޮށްފައެވެ.

އެ މަޝްވަރާ ބައްދަލުވުމަށްފަހު ހަޔާ އެޑިއުކޭޝަނުން ކުރި ޓްވީޓެއްގައި ވިދާޅުވީ، މިހާރު ހެދިފައި ހުރި ގާނޫނާއި ގަވާއިދުގެ ތެރެއިން، ފުލުހުންގެ އެހީތެރިކަމާއެކު އެކަންކަން ހުއްޓުވާނެ ގޮތަކާއި ގުޅޭގޮތުން ވާހަކަދައްކައި، މަޝްވަރާ ކުރެވިގެން ދިޔަ ކަމަށެވެ.

ފައިސާ ދީގެން އެސައިމެންޓް ހައްދާ މައްސަލަ މޯލްޑިވްސް ކޮލިފިކޭޝަން އޮތޯރިޓީންވެސް ދަނީ ބަލަމުންނެވެ.