ޕިލިޕީންސްއަށް ކުރަމުންދާ ވިއްސާރާގައި، ތޫފާން ވެމްކޯގެ ސަބަބުން މިހާތަނަށް 42 މީހަކު މަރުވެ، 20 މީހަކު ވީނުވީއެއް ނޭނގި ގެއްލިއްޖެއެވެ.
އެ ގައުމުގެ މީޑިއާ ތަކުގައި ބުނެފައިވަނީ ތޫފާން ވެމްކޯގެ ސަބަބުން މަގުތައް ކަނޑައިގެން ގޮސްފައިވާއިރު، ދިހަ ހާހަށްވުރެ ގިނަ މީހުންގެ ގެދޮރުވަނީ ހަލާކުވެފައިކަމަށެވެ.
އަދި މިމީހުން ސަލާމަތީ ހިސާބުތަކަށް ގެންދިއުމުގެ މަސައްކަތް ސަލާމަތީ ކަންތައްތަކާ ބެހޭ ފަރާތްތަކުންދަނީ ކުރަމުންނެވެ.
ތޫފާން ވެމްކޯއަކީ ޕިލިޕީންސްއަށް މިއަހަރު އެރި 21 ވަނަ ތޫފާންކަން ފާހަގަކޮށްލެވެއެވެ.
ތޫފާން ވެކްމޯ އެރުމުގެ ހަފްތާއެއް ކުރިން އެޤައުމަށް މިދިޔަ 7 އަހަރުގެ ތެރޭގައިވެސް އެޤައުމަށް އެރި އެންމެ ނުރައްކާތެރި ތޫފާން، ތޫފާން ގޮނި އަރާފައެވެ.