އިންޑިއާ އާއި ރާއްޖެއާ ދެމެދު ދަތުރު ކުރަން ފަށާފައިވާ ކާގޯ ބޯޓު “ޗޮކުން” ގޮސްފައިވާ ކަމަށް ބުނެ ވިލިމާލޭ ދާއިރާގެ ކުރީގެ މެންބަރު އަހުމަދު ނިހާން ހުސައިން މަނިކު ވިދާޅުވި ވާހަކަތަކަށް އެސްޓީއޯގެ މެނޭޖިން ޑިރެކްޓަރު ހުސެއިން އަމްރު ރައްދު ދެއްވައިފިއެވެ.
އެ ކާގޯ ބޯޓުގެ ފުރަތަމަ ދަތުރުގައި މިދިޔަ މަހުގެ 26 ވަނަ ދުވަހު ވަނީ ކުޅުދުއްފުއްޓަށް އައިސްފައެވެ. ކުޅުދުއްފުއްޓަށް ފަހު މިދިޔަ މަހުގެ 28 ވަނަ ދުވަހު އެ ބޯޓު ވަނީ މާލެ އަށް ބަނދަރުކޮށްފައެވެ.
އެ ބޯޓުގެ ހަބަރެއް މިމަހު ނުވާ ކަމަށް ވިދާޅުވެ، އެ ބޯޓު “ޗޮކުން” ދިޔައީތޯ ޓުވިޓާގައި ނިހާން ކުރެއްވި ސުވާލަށް ރައްދުދެއްވަމުން އަމްރު ކުރެއްވި ޓުވީޓެއްގައި ވިދާޅުވީ، އެ ބޯޓު މިވަގުތު މާލެ ސަރަހައްދުގައި މުދާ ބާލަމުން އަންނަ ކަމަށާއި ދެން އެނބުރި އިންޑިއާއަށް ދިއުމަށްފަހު އެނބުރި އަންނާނީ އަންނަ މަހުގެ 12 ވަނަ ދުވަހު ކަމަށެވެ.
“ކާގޯ ފެރީން މުދާ ގެންނަން ބޭނުން ވަނީތޯ” އަމްރު ނިހާން އާއި ސުވާލު ކުރައްވަމުން ވިދާޅުވިއެވެ.
India cargo ferry mivaguthu Male sarahahdhuga mudhaa baalamun dhanee.
Dhen emburi goss annaanee November 12 hisaabuga.
Cargo ferry in mudhaa gennan beynun vanee tho? https://t.co/OnSmOvEoDg
— Amr ???? (@HusenAmr) October 30, 2020
ކޮވިން ފެރީއަކީ 3000 މެޓްރިކް ޓަނުގެ މުދާ އުފުލޭ އުޅަނދެކެވެ. މި ބޯޓުން ރާއްޖެ އާއި ކޮޗިންއާ ދެމެދު މަހަކު 2-3 ދަތުރު ކުރާނެ އެވެ. މި ދަތުރުތައް ކުރާނީ ކޮޗިން އިން ކުޅުދުއްފުށީގެ ޕޯޓަށާއި މާލޭގެ ޕޯޓަށެވެ.