އައްޑޫ ސިޓީގައި ހުންނަ ހިއުމަން ރައިޓްސް ކޮމިޝަންގެ ހޮފީސް ފަޅާލައި ލިޔެކިއުންތަކަކާއި މުހިއްމު ބައެއް ސާމާނުތައް ވަގަން ނަގައިފިއެވެ.
ފުލުހުން ބުނީ އައްޑޫ ސިޓީ ހިތަދޫގައި ހުންނަ އެޗްއާރުސީއެމްގެ އޮފީހުން ވައްކަންކޮށްފައިވާ މައްސަލައެއް މިއަދު ހެނދުނު ފުލުހުންނަށް ހުށަހަޅާފައިވާކަމަށެވެ.
މިމައްސަލާގައި މިހާތަނަށް ބެލި ބެލުމުން ބައެއް ލިޔުންތަކާއި ދެ ލެޕްޓޮޕްގެ އިތުރުން ޑީވީއާރެއް ވަގަށް ނަގާފައިވާކަން އެނގިފައިވާކަމަށް ފުލުހުން ބުނެއެވެ.
މިމައްސަލަ ތަހަޤީގުކުރަމުންދާކަމަށް ފުލުހުން ބުނެއެވެ.