ޕްރޮސެކިއުޓަރ ޖެނެރަލް(ޕީޖީ) ދައުވާ ނުކުރަން ނިންމުމަކުން ހެލްތު މިނިސްޓަރު އަބްދުﷲ އަމީނަށް ޒިންމާއިން ބަރީއަނުވެވޭނެ ކަމަށް ވިލިމާލެ ދާއިރާގެ މެމްބަރު އަހުމަދު އުޝާމް ވިދާޅުވެއްޖެއެވެ.
އުޝާމް މިހެން ވިދާޅުވެފައިމިވަނީ ވެންޓިލޭޓަރު މައްސަލައިގައި އެންޓި ކޮރަޕްޝަން ކޮމިޝަން(އޭސީސީ) އިން ކުރި ތަހުގީގަށްފަހު މިނިސްޓަރު އަމީން އާއެކު 11 ބޭފުޅެއްގެ މައްޗަށް ދައުވާކުރަން ފޮނުވި މައްސަލަ ހެކި ނެތް ކަމަށް ބުނެ ޕީޖީ އޮފީހުން އަނބުރާ ފޮނުވާލުމުންނެވެ.
އެކަމާ ގުޅިގެން އިޝާމް ކުރެއްވި ޓްވީޓެއްގައި ވިދާޅުވީ އޮޑިޓަރ ޖެނެރަލް ވިދާޅުވީ ގޯސްހަދާފައިވާކަމަށާއި އޭސީސީން ނިންމީ ކޮރަޕްޝަން ހިންގާފައިވާކަމަށް ކަމަށެވެ.
“ޕީޖީ ދައުވާ ނުކުރާން ނިންމުމަކުން މިނިސްޓަރ އަމީންއަށް ޒިންމާއިން ބަރީއަނުވެވޭނެ. ވެންޓިލޭޓަރު މައްސަލައިގެ ޒިންމާ މިނިސްޓަރު ނަންގަވަންޖެހޭނެ. އަޅުގަނޑުގެ އިތުބާރު އަމީންއަކަށްނެތް.” އުޝާމް ވިދާޅުވިއެވެ.
އޮޑިޓަރޖެނެރަލް ވިދާޅުވީ ގޯސްހަދާފައިވާކަމަށް. އޭސީސީން ނިންމީ ކޮރަޕްޝަން ހިންގާފައިވާަކަމަށް. ޕީޖީ ދައުވާ ނުކުރާން ނިންމުމަކުން މިނިސްޓަރ އަމީންއަށް ޒިންމާއިން ބަރީއަނުވެވޭނެ. ވެންޓިލޭޓަރު މައްސަލައިގެ ޒިންމާ މިނިސްޓަރު ނަންގަވަންޖެހޭނެ. އަޅުގަނޑުގެ އިތުބާރު އަމީންއަކަށްނެތް. https://t.co/NWgPZ6JBed
— Ahmed Usham (@a_usham) October 20, 2020
ވެންޓިލޭޓަރު މައްސަލަ އަނބުރާ ފޮނުވާލިއިރު، އެމްޑީޕީން މިހާރު ވަނީ މިނިސްޓަރު އަމީންގެ އިތުބާރު ނެތްކަމުގެ މައްސަލަ މަޖިލީހަށް ވައްދާފައެވެ. މި މައްސަލަ މަޖިލީހަށް ވެއްދީ 24 މެމްބަރުންގެ ސޮޔާއެކުއެވެ.
މިނިސްޓަރު އަމީންގެ އިތުބާރު ނެތްކަމުގެ މައްސަލަ މަޖިލީހަށް ވެއްދިއިރު، މިއަދު ވަނީ އޭސީސީގެ ފަސް މެމްބަރުން މަގާމުން ވަކިކުރަން ފެށުމަށް މިނިވަން މުއައްސަސާތަކާ ބެހޭ ކޮމިޓީ އަށް ވެސް ހުށަހަޅާފައެވެ. އެ މައްސަލައާ މެދު ގޮތެއް ނިންމުން އޮންނާނީ އެ ކޮމިޓީގެ މާދަމާގެ ބައްދަލުވުމުގައެވެ.