ދަރަނީގެ ނުރައްކަލަކީ އަނބުރާ ދައްކާނެ ގޮތެއް ނެތުން، ކަމަށާއި އަބްދުﷲ ރައީސް ޔާމީންގެ ސަރުކާރުގައި ނެގި ދަރަނި ދައްކަން ޖެހުނުއިރު އާމްދަނީ ލިބޭނެ ގޮތެއްް ނެތްކަމަށް ރައްޔިތުންގެ މަޖިލީހު ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓުވީޓެއްގައި ވިދާޅުވީ، 2012-2018 އަހަރާއި ދެމެދު ސަރުކާރުންު ނަގާފައިވާ ލޯނުތަކުގެ ގްރޭސް ޕީރިއަޑް ހަމަވުމުން، އެލޯން ދައްކަން ޖެހުނީ ރައީސް އިބްރާހިމް މުހަމައްދު ސޯލިހުގެ ވެރިކަމުގައި ކަމަށެވެ. އަދި މިވަގުތު ސަރުކާރަށް އާމްދަނީއެއް ލިބޭނެ ގޮތެއް ނެތް ކަމަށް ރައީސް ނަޝީދު ވިދާޅުވެފައިވެއެވެ.
Dharaneege nurakkalakee dharani anburaa dhakkanjehey iru evarah aamdhanee nethun. 2012-2018 aai dhemedhu sarukaarun nangavaafava gina dharani thakuge grace period hamave dhahkan mijeheynee R @ibusolih ge sarukaarah. Adhi mivaguthu mivanee sarukaaruge aamdhanee ekeehen nethifa.
— Mohamed Nasheed (@MohamedNasheed) October 10, 2020
ރައީސް ޔާމީން ނަގާފައިވާ ލޯނުތައް އެންމެ ގިނައިން ދައްކަން ޖެހިފައިވަނީ 2021 ވަނަ އަހަރާއި 2023 ވަނަ އަހަރާއި ދެމެދުކަމަށް ވިދާޅުވިއެވެ. އަދި އެންމެ ބުއްދިވެރިގޮތަކީ 2012-2018 ވަނަ އަހަރުގެ ދަރަނި ޖޫރިމަނާއަކާއި ނުލައި ރީސްޓްރަކްޗަރ ކުރުން ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދު މިހެން ވިދާޅުވެފައިވާއިރު، ބަޖެޓް ސަޕޯޓާއި އެހެނިހެން ބޭނުންތަކުގައި އިންޑިއާއިން ނަގަމުންދާ ލޯނުތަަކަށް ގިނަ ބައެއްގެ ފާޑުކިޔުން އަންނަނީ އަމާޒު ވަމުންނެވެ. އެގޮތުން، ދާދި ފަހުން ބަޖެޓް ސަޕޯޓުގެ ގޮތުގައި 250 މިލިއަން ޑޮލަރުގެ ލޯނެއް، 3 އިންސައްތަ އިންތްރެސްޓް ރޭޓޫގައި 10 އަހަރު ދުވަސް ތެރޭ ދައްކާ ޚަލާސް ކުރާ ގޮތަށް ނަގާފައިވާއިރު، މީގެ ކުރިންވެސް އިންޑިއާ މިފަދަ ލޯނުތަކެއް ނަގާފައިވެއެވެ.
ރައީސް ނަޝީދު އަންނަނީ ތަކުރާރުކޮށް ކުރީ ސަރުކާރުން ނަގާފައިވާ ލޯނުތަކަށް ފާޑުކިޔަމުންނެވެ. އެގޮތުން، ޗައިނާއިން ނަގާފައިވާ ލޯނުތަކަކީ ދަރަނީގެ ދަންތޫރަތަކެއްގެ ގޮތުގައި އަންނަނީ ފާހަގަކުރައްވަމުންނެެވެ.
advertisment