ދުނިޔެގެ އެކި ކަންކޮޅުތަކުން ކޮވިޑް 19 އަށް ޕޮޒްޓިވްވީ މީހުންގެ އަދަދު 37 މިލިއަނަށް އަރައިފިއެވެ.
މުޅި ދުނިޔެއިން މިބަލި ޖެހުނު މީހުންގެ ޖުމްލަ އަދަދު މިހާރު އުޅެނީ 37,014,456 ގައެވެ.
މިހާތަނަށް އެންމެ ގިނަ ބަޔަކު މި ބައްޔައް ޕޮޒްޓިވްވެފައިވާ ކަމަށް ރިޕޯޓް ތަކުން ދައްކަނީ އިންޑިއާ، އެމެރިކާ އަދި ބްރެޒިލް އިންނެވެ. މީގެ ތެރެއިން މިވަގުތު އެންމެ ނުރައްކާ ބޮޑުވެ، އެންމެ ހަލުވިކަމާއެކު ކޮވިޑް-19 ފެތުރެމުން ދަނީ އިންޑިއާގައެވެ.
މި ބަލީގައި މަރުވާ މީހުންގެ އަދަދުވެސް އަންނަނީ އިތުރުވަމުންނެވެ. މިގޮތުން އިއްޔެ އެކަނިވެސް 6 ހާހަށްވުރެ ގިނަ މީހުން މަރުވެ، ދުނިޔެއިން މި ބަލީގައި މަރުވި މީހުންގެ ޖުމްލަ އަދަދު މިހާރު ވަނީ 1,070,314 އަށް އަރާފައެވެ.
މިހާތަނަށް 214 ޤައުމަކުން ނުވަތަ ސަރަޙައްދަކުން މި ބަލި ފެނިފައިވާއިރު ބަލީގެ އެއްވެސް ކޭސް އެއް މިހާރު ނެތީ 12 ސަރަޙައްދެއްގައެވެ.