ލަވަކިޔުންތެރިޔާ ހުސެއިން އިރުފާން (ޒަކިއްޓެ)، ހުޅުމާލެ ޓްރެކް ސަރަހައްދުގައި ގެނބެމުން ދިޔަ ދެ މީހަކު ސަލާމަތް ކޮށްފިއެވެ.
“އެމްވީ ކްރައިއިސް” އިން ރިޕޯޓު ކޮށްފައިވަނިކޮށް އެ ހަބަރު ރިޓްވީޓު ކޮށް ޒަކިއްޓެ ބުނީ މޫދުގައި އެއްވެސް މީހަކު އެހީއަށް އެދި ގޮވާ ނަމަ ބަލަހައްޓައިގެން ނުތިބުމަށް އެދޭ ކަމަށެވެ.
“މޫދަކީ ތިމާގެ އެންމެ ގާތް ރަހުމަތްތެރިއަކަށް ވިޔަސް ބައެއް ފަހަރު އެންމެ ނުބައި ދުޝްމަނަށް ވެސް ވެދާނެ.” ޒަކިއްޓެ ބުންޏެވެ.
ޒަކިއްޓެ ވަނީ މޫދުގައި ބަލައިގެން އުޅުމަށް އިލްތިމާސް ކޮށްފައެވެ.
If you see anyone calling out for help, please for the love of god DONT wait around at the beach just looking!!
The sea can be your best friend or worst enemy as well.
Be safe and take care of your people at sea. https://t.co/3dj5Qpvish— ޒަކިއްޓެ (@ZakitteOfficial) October 2, 2020
މޯލްޑިވިއަން އައިޑަލް އިން ތައާރަފްވެ ދިވެހިންގެ ތެރޭގައި މަގުބޫލުކަން ހޯދި ޒަކިއްޓެ ދާދި ފަހުން ބުނެފައިވަނީ މި ދުވަސްވަރު އެއްވެސް ވަރަކަށް ގިގް އެއް ނުވަތަ ލަވަ ކިޔުމުގެ މަސައްކަތެއްވެސް ނުލިބޭ ކަމަށާއި އެކަމުގެ ސަބަބުން މާލީ ގޮތުން ވަރަށް ބޮޑަށް ދަތިވެފައިވާ ކަމަށެވެ.
އެކަމުގެ ސަބަބުން ޒަކިއްޓެ ވަނީ އިންސްޓަގްރާމް މެދުވެރިކޮށް ފޭނުންނަށް އަގަށް ލަވަ ކިޔައިދޭން ނިންމައިފައެވެ. އެގޮތުން ފޭނުން ނުވަތަ އޭނާގެ އިންސްޓަގްރާމް ފޮލޮވަރުން އޭނާ އަށް ލަވައެއް ރިކުއެސްޓު ކުރުމުން އެ ލަވައެއް ކިޔައި ނުވަތަ ޕްރައިވެޓް ކޮށް ފޮނުވުމަށް ޒަކިއްޓެ ވަނީ ނިންމާފައެވެ.
advertisment