ނެޓްފްލިކްސް އިން ގެނެސްދޭން ތައްޔާރުވަމުން އަންނަ އެމެރިކާގެ މަޝްހޫރު އަންހެން ލަވަކިޔުންތެރިޔާ ޓޭލާ ސްވިފްޓްގެ ޑޮކިއުމަންޓަރީ “މިސް އެމެރިކާނާ” ގެ ޓްރެއިލާ ބެލުންތެރިންނަށް ދައްކާލައިފި އެވެ.
ލާނާ ވިލްސަން ޑައިރެކްޓްކޮށްފައިވާ 85 މިނިޓް ގެ މި ޑޮކިއުމަންޓަރީގައި 30 އަހަރުގެ ލަވަކިޔުންތެރިޔާގެ ކެރިއަރާއި އަމިއްލަ ދިރިއުޅުމުގެ ވާހަކަތައް ވެސް ކިޔައިދޭނެ އެވެ.
“މިސް އެމެރިކާނާ” މި މަހުގެ 31 ގައި ނެޓްފްލިކްސް އިން ސްޓްރީމްކުރަން ފެށުމުގެ ކުރިން ބުރާސްފަތި ދުވަހު ފެށި މި އަހަރުގެ ސަންޑާންސް ފިލްމު ފެސްޓިލްވަލްގައި ޕްރިމިއާކޮށްފައިވެ އެވެ.
އުމުރުން 16 އަހަރުގައި ޕްރޮފެޝަނަލްކޮށް މިއުޒިކީ ދާއިރާ އަށް ނުކުމެ ގިނަ ބައެއްގެ ހިތްތައް ފަތަހަކޮށްފައިވާ ޓޭލާ މިހާތަނަށް ހަތް އަލްބަމް ނެރެފައިވެ އެވެ. އޭނާގެ އެންމެ ފަހުގެ އަލްބަމީ މިދިޔަ އަހަރު ނެރުނު “ލަވާ” އެވެ.
މިލްކިއްޔާތުގައި 360 މިލިއަން ޑިލަރު އޮންނަ ޓޭލާ އަކީ ދުނިޔޭގެ އެންމެ މުއްސަނދި އެއް އަނހެން ލަވަކިޔުންތެރިޔާކަން ފާހަގަކޮށްލެވެއެވެ.
advertisment