މީގެ އަހަރުތަކުގެ ކުރިން ގެނެސްދިން ސައިފް އަލީ ޚާންގެ ޒޮމްބީ ފިލްމު “ގޯ ގޯއާ ގޯން” ގެ ދެވަނަ ބައި އަންނަ އަހަރު ނެރެން ނިންމައިފިއެވެ.
ދިނޭޝް ވިޖަންގެ މެޑޮކް ފިލްމްސް އިން “ގޯ ގޯއާ ގޯން 2” އަންނަ އަހަރު ގެނެސްދޭނެކަން ޔަގީންކޮށް ދިން ނަމަވެސް ފިލްމާ ބެހޭ މާ ބޮޑު ތަފުސީލެއް ހިއްސާއެއްނުކުރެ އެވެ.
ރާޖް އެންޑް ޑީކޭ ލިޔެ، ޑައިރެކްޓްކުރި “ގޯ ގޯއާ ގޯން” ގެ މުހިއްމު ރޯލްތަކުން ފެނިފައި ވަނީ ސައިފާ އެކު ޅިޔަނު ކުނާލް ކޭމޫ އާއި ވީރް ދާސް އާއި އާނަންދު ތިވާރީގެ އިތުރުން ޕޫޖާ ގުޕްތާ އެވެ.
މި ކާސްޓް 2 ވަނަ ބައިން ވެސް ފެންނާނެ ކަމަށް މަޢުލޫމާތު ލިބެއެވެ.
ފިލްމް ރިލީސްކުރަން ނިންމާފައިވަނީ އަންނަ އަހަރުގެ މާރިޗް މަހުގެ ތެރޭގައެވެ.
advertisment