ގިނަ އަދަދެއްގެ ފައިސާ އާއި މަސްތުވާތަކެއްޗާއެކު ހުޅުމާލެއިން މީހަކު ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ، މި މައްސަލައާ ގުޅިގެން ހައްޔަރުކޮށްފައިވަނީ 21 އަހަރުގެ ދިވެހި ފިރިހެނެކެވެ. އޭނާ ހައްޔަރުކޮށްފައިވަނީ މިދިޔަ އަންގާރަ ދުވަހުގެ ހަވީރު ހުޅުމާލޭ ޕޮލިހުގައި މަސައްކަތްކުރާ ފުލުހުން ހުޅުމާލެތެރެ ޕެޓްރޯލް ކުރަމުން ދަނިކޮށް، އޭނާއަށް ފުލުހުން ފެނުމާއި ގުޅިގެން އަތުގައި އޮތް އެއްޗެއް އެއްލާލި ތަން ފުލުހުންނަށް ފެނިގެން ހުއްޓުވައި ބަލައިފާސްކުރިއިރު މަސްތުވާތަކެތި ކަމަށް ޝައްކުކުރެވޭ އެއްޗެއްހުރި ހަތަރު ރަބަރު ޕެކެޓާއި ތިން ސެލޯފިންކޮޅާއި 9325 ރުފިޔާ ފެނުމާއި ގުޅިގެންނެވެ.
މީގެ އިތުރުން، އެމީހާ އެއްލާލައިފައި އޮތް އެއްޗެއް ނަގައި ބެލިބެލުމުން މަސްތުވާތަކެތިކަމަށް ޝައްކުކުރެވޭ އެއްޗެއްހުރި ހަތް ރަބަރު ޕެކެޓް ފުލުހުންނަށް ވަނީ ފެނިފައެވެ.
އޭނާއާ ގުޅޭ އިތުރު ތަފްސީލެއް ފުލުހުން ނުދެއްވައެވެ. މި މައްސަލަ މިހާރު ދަނީ ތަހުގީގުކުރެވެމުންނެވެ.
advertisment