އައްޑޫ ސިޓީ ލިންކް ރޯޑުގައި ދުއްވާފައި ދިޔަ ޕިކަޕެއްގެ ފުރޮޅު ފަޅައިގެން ގޮސް އެކްސިޑެންޓުވެ ފަސް މީހަކަށް އަނިޔާވެއްޖެއެވެ.
މީޑިއާތަކަށް މައުލޫމާތު ދެމުން ފުލުހުން ބުނީ، އެ އެކްސިޑެންޓް ހިނގައިގެން ރިޕޯޓް ލިބުނީ މިއަދު މެންދުރު 13:00 ހާއިރު ކަމަށެވެ.
މީގެއިތުރުން ޕިކަޕްގެ ކުރީ ސީޓްގައި ތިބި ދެމީހުންނަށް ސީރިއަސް އަނިޔާތަކެއް ލިބިފައިވާއިރު، ފަހަތުގައި ތިބި ތިން މީހުންނަށް އެކިވަރުގެ އަނިޔާ ލިބިފައިވާ ކަމަށެވެ.
އެ ފަސް މީހުންނަށް މިހާރު ދަނީ ހޮސްޕިޓަލްގައި ފަރުވާ ދެމުން ކަމަށްވެސް ފުލުހުން ބުންޏެވެ.
ފުލުހުން ދަނީ މިހާރު އެމައްސަލަ އިތުރަށް ތަހުގީގު ކުރަމުންނެވެ. އައްޑޫ ލިންކް ރޯޑަކީ އެކި ވަރުގެ އެކްސިޑެންޓުތައް އާންމުކޮށް ހިނގާ މަގެކެވެ.