އެމްޓީސީސީއިން ހއ.ކެލާ އިން ފެށިގެން ހދ.ކުޅުދުއްފުށްޓާ ހަމަޔަށް ލޯންޗު ފެރީގެ ހިދުމަތް ފަށައިފިއެވެ.
ކެލާ އާއި ކުޅުދުއްފުށީ ދެމެދުގެ ދަތުރުތައް އޮންނަނީ ކޮންމެ ހޮނިހިރު، އާދީއްތަ، އަންގާރަ އަދި ބުރާސްފަތި ދުވަހުގައެވެ. ޓިކެޓުގެ އަގު އުޅެނީ 75 ރުފިޔާއާއި 250 ރުފިޔާއާއި ދެމެދުގެ އަގެއްގައި ކަމަށް އެމްޓީސީސީއިން މައުލޫމާތުދެއެވެ.
ފެރީ ދަތުރު އޮންނާނީ ކެލާ، ވަށަފަރު، ފިއްލަދޫ، ބާރަށް، ހަނިމާދޫ އަދި ކުޅުދުއްފުއްޓަށެވެ. މި ދަތުރުތަށް ކޮންމެ ހަފްތާއެއްގެ ހޮނިހިރު، އާދީއްތަ، އަންގާރަ އަދި ބުރާސްފަތީގައި އޮންނާނެއެވެ. ފުރަތަމަ ފެރީ ކެލާއިން ފުރާނީ ކޮންމެ ދުވަހެއްގެ ވެސް ހެނދުނު 6:30 ގައެވެ. އަދި ފަހު ފެރީ އެ އަތޮޅު ވަށަފަރުން ފުރާނީ މެންދުރުފަހު 15:40 ގައެވެ.
ފެރީގެ ތާވަލް އަދި ދަތުރު ކުރުމަށް ހަމެޖެހިފައިވާ ގޮތް އެމްޓީސީސީން މިހާރު ވަނީ އާންމުކޮށްފައެވެ.
އެމްޓީސީސީން ބުނީ ފުރުމުގެ އެއް ދުވަސް ކުރިން ޓިކެޓް ނަގަން ޖެހޭނެ ކަމަށާއި، ޓިކެޓު ނެގޭނީ ކޮންމެ ދުވަހެއްގެވެސް ހެނދުނު 8:00 އާއި ރޭގަނޑު 10:00 އާ ދެމެދު ކަމަށެވެ.