ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން “ވޯކް ޓު ވަރކްގެ” ނަމުގައި ހިނގާފައި މަސައްކަތަށް ނުކުންނަ ދުވަހެއް ފާހަގަކޮށްފިއެވެ.
އެސްޓީއޯއިން ބުނީ އެކުންފުނީގެ ހުރިހާ މުވަޒަފުން މިއަދު އޮފީހަށް ދިޔައީ ފައިމަގުގައި ހިނގާފައި ކަމަށެވެ.
https://twitter.com/stoplc/status/1176361582424547329?ref_src=twsrc%5Etfw%7Ctwcamp%5Etweetembed&ref_url=https%3A%2F%2Fsun.mv%2F124794%2F%3Futm_source%3Ddesktop%26utm_medium%3Dcpc%26utm_campaign%3DdesktopNotifications
މި ދުވަސް ހިނގާފައި އޮފީހަށް އަންނަ ދުވަހެއްގެ ގޮތުގައި ހަމަޖެއްސީ ސިއްހީ ގޮތުން ދުޅަހެޔޮކޮށް ތިބުމަށް ބާރުއަޅާ ކަމެއް ކުރުމުގެ އިތުރުން، ތިމާވެއްޓަށްޓަކައި ފަރުދީގޮތުން ކަމެއް ކުރުމުގެ ނިޔަތުގައި ކަމަށެވެ.
އެސްޓީއޯއިން ބުނީ މިއީ އެކުންފުނިން މިފަދަ ހަރަކާތެއް ކުރިއަށްގެންދާ ފުރަތަމަ ފަހަރު ކަމަށާއި ކުރިއަށް އޮތްތަނުގައި މިފަދަ ހަރަކާތްތަށް އިތުރުކުރާނެ ކަމަށެވެ.
އެސްޓީއޯއިންވަނީ ތިމާވެއްޓާ ރައްޓެހި އާދަތަށް އަށަގެންނެވުމުގެ ގޮތުން އެ ކުންފުނީގެ ދަށުން ހިންގަމުން އަންނަ ޕީޕަލްސް ޗޮއިސް ސުޕަމާޓަށް ތިމާވެއްޓާ ރައްޓެހި ކޮތަޅު ހިފައިގެން ބާޒާރުކުރަންދާ ފަރާތްތަކުގެ ބިލުން 2 އިންސައްތައިގެ ޑިސްކައުންޓެއް ދޭންވެސް ފަށާފައެވެ.