ރައީސުލްޖުމްހޫރިއްޔާގެ އޮފީސް ކުރިމަތީ އިށީނދެގެން އިން މީހަކު ފުލުހުންގެ ބެލުމުގެ ދަށަށް ގެންގޮސަފިއެވެ.
ފުލުހުން ވިދާޅުވި ރައީސް އޮފީސް ކުރިމަތީގައި އިށީންދެގެން އިންދާ ހައްޔަރުކޮށްފައިވަނީ އުމުރުން 41 އަހަރުގެ ފިރިހެނެއް ކަމަށެވެ. އޭނާ އެތާ އިށީންދެގެން އިން ކަމުގެ މައުލޫމާތު މިއަދު 11:32 އެހާކަންހާއިރު ފުލުހުންނަށް ލިބިފައިވާ ކަމަށް އެއިދާރާއިން މައުލޫމާތުދެއްވައެވެ.
ފުލުހުން ވިދާޅުވީ އެމީހާ އެތާއިނީ ރައީސް އޮފީހުން ސިޓީއެއްގެ ޖަވާބު ބަލާގޮސް، ސިޓީގެ ޖަވާބު ނުލިބިގެން އެކަމާއި ހިތްހަމަ ނުޖެހިގެން ކަމަށެވެ.
އޭނާ މިހާރު ފުލުހުންގެ އިދާރާއަށް ހާޒިރުކޮށް މައުލޫމާތު ސާފުކުރަމުންދާ ކަމަށް ފުލުހުން މައުލޫމާތުދެއްވައެވެ.
advertisment