ތ.ގާދިއްފުށީގެ ފެނާއި ނަރުދަމާ އެޅުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ) އާއި ހަވާލުކޮށްފިއެވެ.
ބުރާސްފަތި ދުވަހު ޕްލޭނިންގް މިނިސްޓްރީގައި ބޭއްވި ހާއްސަ ރަސްމިއްޔާތުގައި އެއްބަސްވުމުގައި ،ޮމޮސްޓްރީގެ ފަރާތުން ސޮއި ކޮށްފައިވަނީ އެ މިނިސްޓްރީގެ ޑިރެކްޓަރ ޖެނެރަލް ފާތިމަތު ޝާނާ ފާރޫގް. އަދި އެމްޓީސީސީގެ ފަރާތުން އެ އެއްބަސްވުމުގައި ސޮއި ކޮށްފައިވަނީ އެ ކުންފުނީގެ ޗީފް އޮޕަރޭޓިވް އޮފިސަރ ޝާހިދު ހުސެން މޫސާއެވެ.
އެ މަޝްރޫއު އެމްޓީސީސީއާއި ހަވާލުކޮށްފައިވަނީ 24 މަސްދުވަހުގެ ތެރޭގައި ނިންމާގޮތަށްއެވެ. އެ މަޝްރޫއު ހިންގުމަށް ދައުލަތުގެ ބަޖެޓުން 21 މިލިއަން ރުފިޔާ ހަރަދު ކުރާނެކަމަށް މިނިސްޓްރީންބުނެފައިވެއެވެ.