ލިޔަންކިޔަން ދަތުމަކީ އެންމެ ބޮޑު ހަދިޔާ: ރައީސް ސޯލިހް

ލިޔަން ކިޔަން ދަތުމަކީ، އެންމެ ބޮޑު ހަދިޔާ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ވިދާޅުވެއްޖެއެވެ.

އެމަނިކުފާނު އެފަދައިން ވިދާޅުވީ، ދުނިޔޭގެ ލިޓްރޭޗަރ ދުވަހާއި ގުޅިގެން، އެމަނިކުފާނުގެ އަމިއްލަފުޅު ޓްވިޓަރ އެކައުންޓުން ކުރެއްވި ޓްވީޓެއްގައެވެ.

އެމަނިކުފާނު ވަނީ ލިޔަން ކިޔަން ދަތުމަކީ އެތައް ފުރުސަތުތަކެއް ހުޅުވައިދޭ ދޮރެއް ކަަމަށް ވިދާޅުވެފައެވެ. 

ރާއްޖޭގައި ތިބި ލިޔަން ކިޔަން ދަންނަ މީހުންގެ ނިސްބަތް އިންސައްތައިން ބަލާ ނަމަ98.61% އަށް އަރާކަން ފާހަގަކުރައްވާ އެމަނިކުފާނު ވަނީ ދިވެހިންނަކީ އަބަދުވެސް ކިޔުންތެރިކަމަށް ޝައުގުވެރިވާ ބައެއް ކަަމަށް ވިދާޅުވެފައެވެ.

ހަމައެހެންމެ ދުނިޔޭގެ ލިޓަރޭޗަރ ދުވަހު ލިޔުންތެރިކަމުގެ ދުނިޔެއަށް އޮތް ލޯބި ވަޒަން ކުރަން ވެސް ރައީސް ގޮވާލެއްވިއެވެ. 

https://twitter.com/ibusolih/status/1170666487838674945