ނ. އަތޮޅުން ފުރައިގެން މާލެ އަށް ދަތުރުކުރި “ކޮންފޯޓް އެކްސްޕްރެސް އެމްއެސް1” ނަމަކަށްކިޔާ ފެރީއެއް ކ.އަތޮޅު ކަގި މޯލްޑިވްސް ރިސޯޓުގެ ހުޅަނގު ފަރާތުގެ ކަނޑު އޮޅީ ފަރަށް އަރައިފިއެވެ.
އެމްއެންޑީއެފްއިން ބުނީ ނ. އަތޮޅުން މާލެއަށް ދަތުރުކުރަމުން ދިޔަ ފެރީއެއް ކ. އަތޮޅު ކަގި މޯލްޑިވިސް ރިސޯޓުގެ ހުޅަނގު ފަރާތު ކަނޑުއޮޅީ ފަރަށް އަރައިގެން އުޅޭ ކަމުގެ މައުލޫމާތު މިރޭ 21:46ގައި ލިބިފައިވާ ކަމަށެވެ.
އެ ހާދިސާއާ ގުޅިގެން އެމްއެންޑީއެފްގެ މާލޭ އޭރިއާ ކޯސްޓްގާޑް ސްކޮޑްރަންއިން އެ ފެރީއަށް އެހީތެރިކަން ފޯރުކޮށްދޭން މިހާރު ހަރަކާތްތެރިވަމުން އަންނަކަމަށްވެސް އެމްއެންޑީއެފްއިން ބުނެފައިވެއެވެ.
އިތުރަށް މައުލޫމާތު ދެމުން އެމްއެންޑީއެފްއިން ބުނީ، އެ ފެރީގައި 11 އަންހެނުންނާއި 4 ކުޑަކުދިންނާއި، 16 ފިރިހެނުން ތިބިކަމަށެވެ.
އިތުރު ތަފްސީލް އަންނަނީ….